O Día Do Falso Gato: 3 (COLECCION XERAL) - Softcover

A quen non lle pasou que o que promete ser un día perfecto acaba por se tornar nun pesadelo? Isto precisamente é o que lle acontece a Kaarna, director da área de urbanismo de Marrasvirta. Precisamente o día da festa grande da súa vila, cando vai pronunciar un discurso ante toda a veciñanza, é o que escolle a súa nai para morrer. A partir de aí, todo se vai enleando até o punto de se ter que enfrontar cun pasado que se cadra non é o que el cría, na persecución dunha morta en vida e nunha estraña intriga relacionada coa espionaxe da Guerra Fría. Jääskeläinen vai debullando coa súa narrativa áxil e cinematográfica unha serie de acontecementos que se moven na fronteira do real e do imaxinario até chegar a un clímax que a ninguén pode deixar indiferente.

Pasi Ilmari Jääskeläinen (Juväskylä, 1966) é unha das grandes figuras da narrativa fantástica finlandesa. Como el mesmo di, o feito de criarse a carón do cemiterio da súa vila levouno a ter soños vampíricos e aí comezou a súa teima co alén e as fronteiras entre o real e o fantástico, temas moi presentes na súa obra. Dentro da súa produción, que comprende tanto relatos como novelas, destacan os títulos Lumikko ja yhdeksän muuta (2006) e Harjukaupungin salakäytävät (2010), traducidas xa a varias linguas. Asemade, recibiu algúns dos premios máis prestixiosos da literatura fantástica finlandesa.